कोविड-१९
कोविड-१९
पापांचा घडा भरला म्हणावं की निसर्गाचा कोप म्हणावं,
'कोविड' तू का येऊन अशी रांगोळी घालत आहेस एवढंच समजावं...||१||
रस्त्याने मुग्यांसारखी फिरणारी माणसं आज चार भिंतीत आहेत,
आणि वनात फिरणारी जनावरं आज मोकाट रस्त्याने वावरत आहेत...||२||
काही ठिकाणी घरात बसून सगळं काही मिळतंय,
तर काही ठिकाणी पोट कसं भरावं याचा प्रश्न पडतोय...||३||
डॉक्टर तर देव होतेच पण आज साक्षात्कार होतोय,
कारण दगडातला देव सुद्धा आज कुलुपात बंद झालाय...||४||
का ?? हाहाकार घालतोयस तू कोविड,अजून किती अंत पाहणार आहेस,
माणसे आहोत रे आम्ही,असं मुग्यांसारखं का आम्हाला चिरडत आहेस...||५||
दररोज मावळणाऱ्या दिवसाबरोबर असं वाटतं तू पण मावळतोय,
पण उगवणारा सूर्य तुझे रूप उमलणाऱ्या फुलासारखे अजूनच उमलवतोय...||६||
तुझं किंवा मृत्यूचं भय नाही,पण त्यात आमचे जवळचे पण भरकटले जातात म्हणून भीती आहे...
नाहीतर तुझ्याशी झुंज द्यायला तर सगळा देश तयार आहे...||७||