सुखी जीवन

जन्मदिन आज तुझा

देते प्रेमाने मी शुभेच्छा

सुख शांती तुला लाभो

पुर्ण व्हाव्या सर्व इच्छा

मोहिनी तू कार्यतत्पर 

सर्व कामामध्ये कुशल

कवयित्री तुझ्यातलीही

होऊदे जगी सर्व सफल

आलेख तव काव्याचा

जाईलच नित्य उच्चतम

लेखणीतूनीच भावविश्व

होऊ देत व्यक्त अत्युत्तम

सुखी व्हावे आयुष्य तुझे

रोजचा दिन व्हावा पवित्र

जोडून नवनवी नाती अन्

वाढावेत परिवार नि मित्र

ठेव जीवनाच्या वाटेवरती

उच्च अपेक्षा आणि आशा

फुलू दे हास्य तव मुखावरी

नसावी जीवनात निराशा