आयुष्याची कलाकारी
आयुष्याची कलाकारी
आयुष्य म्हणजे काय असतं,कुणालाच ते माहीत नसतं,
जगणं खूप सुंदर असतं, आपलं मोल कधीच ठरवायचं नसतं ||
रोजचा दिवस नवीन भासतो,
पण सर्वानाच तो हवा-हवासा वाटतो,
नात्यातील दोर नेहमीच घट्ट करतो,
अन् अनोळखी मने हृदयी गुंफून ठेवतो ||
दुःखाचे सारे भोग भोगायला लावतो,
तसाच सुखाचे क्षणही अनुभवायला देतो,
कुणाचे वर्तमानात भरभरून कौतुक करतो,
तर भविष्यात खलनायकही तोच ठरवतो ||
आयुष्याच्या रंगमंचावर सगळेच रंग असतात,
कधी तेच रंग रडवतात, हसवतात आणि फसवतात,
जीवनाच्या पदपथावर ठेचा लागणं यात गैर काही नसतं,
जीवन कसं जगायचं हे आपणच ठरवायचं असतं ||
आयुष्य म्हणजे काय असतं,कुणालाच ते माहीत नसतं,
जगणं खूप सुंदर असतं, आपलं मोल कधीच ठरवायचं नसतं ||