तो पाऊस वेडा झाला

तो पाऊस वेडा झाला

रिमझिम बरसला कधी

थुईथुई नाचला वेळीअवेळी

गत त्याची पुढाऱ्यागत झाली

तो पाऊस वेडा झाला

गरजला जरी वाघ , सिंहापरी

तो झाला भलताच लहरी

डरकाळी त्याची फोल निघाली

तो पाऊस वेडा झाला

जगण्यात खोडा झाला

आला गेला स्व मर्जीने

जगण्याचा वांधा झाला

तो पाऊस वेडा झाला

येण्यास विसरला आधी

घनघोर बरसला कधी

असून अडचण नसून खोळंबा

तो पाऊस वेडा झाला

येऊन बेफाम झाला

होते जे काही सारे

महापुरात घेऊनि गेला

तो पाऊस वेडा झाला

येऊनही राडाच केला

ओढे, नद्या नाले दुथडी

हिरवे स्वप्न पुन्हा भंगले

तो पाऊस वेडा झाला

आला गेला काय फायदा ?

बळीराजाच्या भाळी

दुःख वेदनाच देऊन गेला