लाइब्रेरी
प्रोफाइल
माय माऊली
माय माऊली
1 min
179
रक्त आटलं तरीही
कष्ट करीत राहते
माय माऊली सदैव
लेकरास गोंजारते....१
सुख तिचे लेकरात
स्वप्न त्याचेच पडते
दूर देशी गेलेल्याला
नयनात ती जपते....२
कंठ दाटून येतोही
हुंदक्याला आवरते
अपत्याच्या सुखासाठी
विरहाला स्विकारते....३
मन तिचे नाजुकसे
धीर खंबीर करते
हतबल होता मुल
धैर्यशील बनवते.....४
माय माऊली प्रत्येक
गुरू असे लेकराचा
संस्काराची शिकवण
ठेवा देते आयुष्याचा....५
