माय बहीण

द्वेष बाजूला सारून

स्वार्थ बाजूला सारून।

बघ विचार करून मानूसकीला हेरून।।

का?.. माय-बहीन हरवीली, ऊदरात लेकी मारून।।धृ।।

आईचा लळा तुला

बहीनीची राखी प्यारी।

पत्नीची साथ न्यारी

आजीची थाप भारी।।

प्रेयसीला पाहून गेला होता भारून।।१।।

बापाला ओझं नाही

मुलगी कुळाची शान।

माय-बाप कसे असतील

मुलीचेच तिकडे ध्यान।।

घर सोडताना नवरी रडे बाबा-बाबा हाक मारून।।२।।

मी म्हणत नाही

कठोर सारी पोरं।

मुलगीच सांभाळून

असते मायेची डोर।।

तिच्या एका हाकेसाठी शिवकवी धन्य जग हारून।।३।।