माझ्या अंगणी चांदण फुललं

रिमझीम धारांनी ,

मन शिवार झुललं,

थेंब टपोरं मातीस बिलगलं,

जणु सांडला सडा नक्षत्रांचा ,

माझ्या अंगणी चांदण फुललं ...

धुंद मातीस कुंद वास येता,

दरवळला सुगंध मन खुललं ,

मोहरून आलं पात पात,

दवास पिऊन रंगुन गेलं ,

माझ्या अंगणी चांदण फुललं ...

डोंगरमाथी सजता सुर्य,

लाल केशरी पिवळ पितांबर नेसलं,

संमोहित झालं नाजुक पाखरू,

आभाळाच्या प्रेमात पडलं...

माझ्या अंगणी चांदण फुललं ...

कोरून घेत रात्र नक्षी ,

धूसर चंद्र चांदण्यात नाहलं,

पाहाट होता भरून आलं,

दाटून येता पुन्हा बरसलं,

माझ्या अंगणी चांदण फुललं ...