माझी मराठी

माझी मराठी

माय माझी ग मराठी, जसे हरी नाम ओठी |

लेकुरवाळी माझी माय , तिची शोभा वर्णू काय?

अनुप्रास, म्हणी, आणि  वाक्यप्रचार,

तिच्या मांडीत शोभती छोटे गोड अलंकार |

नाम, सर्वनाम, सर्व तिचीच हि मुले |

त्यांच्या वीण काय शोभा? सारी हारातली फुले |

काळ, अर्थ प्रयोग, वाक्य विचार, समास,

 सर्वानी सुशोभित, केले माझ्या या मातेस  |

तेलगू, हिंदी आणि गुजराथी,या सर्वांत तू मोठी,

आजी संस्कृत मानाने भरते ग तुझी ओटी |

ज्ञानेश्वर, एकनाथ आणि संत तुकाराम,

तुझ्या मुलांनी या आई, वाढविला तुझा मान  तुझी कन्या मी छोटी देते तुला ग वचन

जपीन तुला जन्मभर, बाळगीन अभिमान |

गोडी तुझी गं अवीट,बोलू तुला कौतुकीं,

माझी माय मराठी, अमृतातेही पैजा जिंकी |

मातृभाषा, मायबोली काय काय म्हणू तुला? 

तुझीच कन्या व्हावे जन्मोजन्मी हेच मागणे देवाला ||