आई

जिची तुलना जगी नाही, अशी माझी आई |

 घास तुझ्या हाताचा जणू घोट अमृताचा |

धडा तू शिकवलेला पाया आयुष्याचा |

कष्ट तुझे घरासाठी आधार तू घराचा |

जन्मले गर्भातून तुझ्या अभिमान याचा |

ओळख माझी तुझ्यामुळे, तू आरसा माझा |

होऊन तुझ्यासारखी चालवीन वारसा तुझा|

तू असशी वटवृक्ष, देशी सर्वांना सावली |

मी वेल छोटीशी, तुझ्या कुशीत लपली |

तुझी कन्या मी छोटी, देते तुला हे वचन |

तुझ्या सुखासाठी, वेचीन सारे जीवन |  

संस्कार तुझे मौलिक, आधार जीवनाचा |

जन्मदात्री, मैत्रीण, गुरु काय म्हणू तुला? |