Library
Profile
माझी माय
माझी माय
1 min
222
फुंकायची फुंकणीने
चुलीमध्ये माझी माय
लालसर दूधावरची आम्हाला
द्यायची ती साय.....
आठवते आजही मला
तिची लाल झालेले डोळे
चूल फुकताना डोळ्यात
धूर जाऊन व्हायचे ओले......
एका दिव्याच्या ज्योतीने
उजळायच संपूर्ण घरं
स्वतः रहायची उपाशी
पण तिला सगळ्यांचे घोर......
सणासुधीला चुलीवर ती
आवर्जून करायची पुराणांची पोळी
घरातील सर्वांचे भरायची पोटं
आणि ती खायची भाकरी शिळी.......
माझ्या आईच्या हाताला
होती सुगरणीची चव
संसाराचा गाढा चालवताना
किती सोसायची ती घाव......
मातीच्या खोलीला लेप
होती तिच्या मेहनतीची
घराला एकत्र ठेवण्यात
आधार तिच्या मायेची.....
