अशी असावी कविता
अशी असावी कविता
मनातील भावनांना
लेखणीचा रंग यावा
शब्दात उतरवताना
आनंद द्विगुणित व्हावा.......
शेतकऱ्यांची व्यथा
कवितेत रेखाटताना
यावे अंगास काटा
दुःख त्याचे मांडताना........
चिंब चिंब पावसात
प्रियकराची वाट पाहताना
अंगा यावे शहारा
प्रितीचे भाव सांगताना........
आईच्या प्रेमाची
कल्पना करताना
कुशीत तिच्या सारे
जग विसरून जावे.......
मैत्रीचे नाते मांडताना
कवितेशी मैत्री व्हावा
लेखणीतील प्रत्येक शब्दाला
मैत्री गत मोल यावा......
स्वप्नातील कल्पनेला
शब्दांची भरारी द्यावे
कवितेच्या स्वरूपात
मन आनंदाने गावे.....