लेक

लाखात एक माझी लेक आहे देखणी 

तिला पाहून चालते रोज माझी लेखणी

लक्ष्मी म्हणून आली माझ्या दारात 

सोन्याच्या पावलांनी हिंडते ती घरात 

माझेच प्रतिबिंब मी तिच्यात पाहते 

तिची नटखट अदा सारखी हसवत राहते 

खाण्यात तिचा रोजच नखरा 

मारावे लागते तिच्या मागे किती चकरा

बापाची तर आहे ती काळजाचा तुकडा 

जास्तच चालतो तिचा बापाजवळ नखरा 

बापावर लेकीची असते अफाट माया 

बापही झिजवतो तिच्या भविष्यासाठी काया 

भावाच्या खोड्या सहज काढते 

शाळेचे कागद त्याची घेऊ घेऊ फाडते 

दिवसभर नको ते उद्योग ती करते 

सारं सामान अख्ख्या घरभर सारते 

करून करून मस्ती थोडीशी दमते 

हळूच येऊन माझ्या मिठीत झोपते 

लेक माझी जवळ खूपच गोड दिसते 

माझा संपूर्ण थकवा मी क्षणातच विसरते 

प्रत्येकाच्या घरात एक लेक असावी 

सुख-समृद्धीने घरं ती भरून दिसावी