लाइब्रेरी
प्रोफाइल
माई
माई
1 min
153
माया सरली सरली
आठवण उरली उरली
थरकाप त्या क्षणाचा
माय निजली निजली
आसवांच्या पूरामंदी
माया दाटूनिया आली
अनाथांची लेकुरवाळी
आज निरोपा धाडली
हंबरलं गं वासरु
तोडी दावणं दावणं
दर्शना मायेच्या आज
विसरुनी भूक तहान
माझी माय निजली गं
कोटी पिढ्यांची माऊली
गवसना आज आम्हा
माझ्या मायेची साऊली
गहीवरला तो काळ
कशी अंधारी सकाळ
हरवला उषःकाल
नाही माईचा आवाज
कसली नाती रगताची
इथं नात्यांचं रगात
माईनं दिलया उरात
आम्हा आयुष्य भरात
ठायी ठायी आठवण
जीवाची उलघाल
अनाथांची माऊलीही
दिली मोलाची गं शाल
तुम्हा जोडूनिया कर
विनवणी दादा एक
नको डीपी स्टेटसात
माय ठेव रं ह्रदयात
तुझ्या घासातला घास
घालं अनाथांना आज
तुझ्या कमाईचं सोनं
तुझी होईल आबादान
