लेखणी माझी देखणी
लेखणी माझी देखणी
सापडले मज कवडसे
किती दूर आल्यावरती
यशोदीप लागले मनी
वर्षाखेरीतली ही भरती
नाही थांबणार आता
जोरात होऊ दे वर्षारंभ
चोखाळेल नव्या वाटा
नववर्षी फक्त समारंभ
जे जे मजला मिळाले
ते ते उधळेल यंदा
सोडणार ना कधीही
सुगंध वेचण्याचा धंदा
राहून गेली नकळत
जोडणार ती ती नाती
काव्यातून सांगणार जगा
नाती माती नि संस्कृती
टोचून काटे हजारो
बहरेल माझी लेखणी
संकल्प घेतला जीवनी
व्हावी 'लेखणी माझी देखणी'