महासत्ता तंत्रज्ञानाची
महासत्ता तंत्रज्ञानाची
वाखाणण्याजोगा वाटला
आदिमानव ते रोबोटचा प्रवास
चुलीपासून ते विद्युत शेगडीपर्यंत
पोहचवले नि वाचवले तासनतास....
दिसत नव्हतं ते दिसू लागलं
जाता येत नव्हतं तिथे जाता आलं
कष्ट झाले कमी नि मिळाला सुखाचा घास....
साऱ्या जगाला जवळ आणले
याचे श्रेय फक्त तंत्रज्ञानास .....
अणुपासून आण्विक ऊर्जेपर्यंत
याने घेतला फक्त प्रगतीचा ध्यास..
जगभरात फिरले पाय
नि हातात आलं जग
एका खटक्यात सर्वकाही
स्वप्न की सत्य वाटे भास.....
मनासी टाकतो मागे
आंतरजालाचिया वेगापुढे
मनामनातील व्हावे अंतर कमी
यासाठी आणशील का? तंत्रज्ञाना....
मनजोडणीचा अधिकमास......
भौतिकतेच्या मांडल्या राशी
चहूकडे शोभते ऑनलाईनची आरास....