विरह गीत
विरह गीत
1 min
669
अवघड झालंय तुजविण जगणं
आता तर कुठे कळू लागलं होतं
तुझं असणं आणि दिसणं आता
माझं अस्तित्व होऊ लागलं होतं
नियतीचे पालटणार फासे उद्या
म्हणून हृदय जळू लागलं होतं
भुगा होत होता डोक्याचा पुरेसा
विचारांचं घोंगडं भिजू लागलं होतं
विरहाच्या विचारांनी कुठे तरी रे
टाळूवरचं लोणी कढू लागलं होतं
मनाच्या खोल तळाशी अलगद
चिवट प्रेम जणू थिजू लागलं होतं
प्रेमाच्या विरहाग्नित जिवलगा रे
डोक्यात दुःख शिजू लागलं होतं
झाल्या भावना अनावर नि अमर
आठवांचं रोपट रुजू लागलं होतं