लढाई

घरटे उडती वादळात

बिळात शिरते पाणी

अवसान गाळुनी सांगा

आत्महत्या करते का कोणी 

परिस्थिती कोणतीही असो  

आम्ही लाचारीने जगत नाही

काही मिळाले नाही म्हणून

अनुदान कुणाकडे मागत नाही 

हात नसे पक्ष्यांना

चोच घेऊन जगती

स्वतः बांधती घरटे

कुणाची मदत न घेती 

कुणीही नाही सोबती

तक्रार नाही या ओठी

निवेदन घेउनी वणवण

न फिरे कोणत्या योजनेसाठी 

कष्टकऱ्याची जात आपली

आपणही हे जाणलं पाहिजे

पिंपळाच्या रोपा सारखं

पाषाणावर टिकलं पाहिजे 

निर्धार करु जिंकन्या

पुन्हा यशाचा गड

आयुष्याची लढाई

फक्त हिमतीने लढ.