गंध मैत्रीचा
गंध मैत्रीचा
मैत्रीच्या आठवणी
दडल्या मनात
आठवण येई तुझी
प्रत्येक क्षणात||१||
कायम पाठीशी
असे तुझाच विश्वास
माझ्या जीवनाचा
तूच असे खरा श्वास||२||
तुझी माझी मैत्री
आहे एक आठवण
मनात दडली
आयुष्याची साठवण||३||
अनमोल जीवनात
तुझाच आधार
तुझ्याविना मित्रा कसा
होई निराधार||४||
जीवनी जपली
आठवण ही मैत्रीची
एकमेव गोष्ट
असे माझ्याच खात्रीची||५||
कसा वर्णवू शब्दात
मैत्रीची थोरवी
मित्र माझा हा महान
मित्रास गौरवी||६||
गंध मैत्रीचा असा
खूपच अनमोल
साथ निभवी सदा
जीवनी बहुमोल||७||