आठवतात ते दिवस

तुझी माझी मैत्री मित्रा 

आहे खूपच सुंदर

भाव मैत्रीचा निर्मळ

सदा राहो निरंतर ||१||

एका वळणावरती 

दोघे आपण भेटलो

मैत्रीरूपी विश्वामध्ये

दोघे हरवून गेलो ||२||

मनातली सुखदुःखे 

एकमेका सांगितली

खडतर प्रवासात

साथ सदा निभावली ||३||

चार वर्षाच्या मैत्रीत

सांगे जीवनाचे सार

कशी झाली ताटातुट

केला नियतीने वार ||४||

दिले तुजला वचन

अश्रू गाळणार नाही

कायमस्वरूपी अशी 

आठवण मनी राही ||५||

अशा सुंदर मैत्रीचे

दिवस आठवतात

आठवणी कायमच्या

मनात साठवतात ||६||

आठवतात ते दिवस

सुंदरशा या मैत्रीचे

माझ्या जीवनात होते

एकमेव नाते खात्रीचे ||७||