सहवास आठवणींचा

आयुष्याच्या वळणावरी 

तुझी नि माझी भेट झाली

तुझ्या अमुल्य आधाराने

मज नवी दिशा मिळाली ||१||

मौल्यवान धीराचा हात 

ठेवी सदैव खांद्यावरी 

तुझ्या प्रोत्साहनाने मित्रा

मात केली संकटांवरी ||२||

आपल्या दोघांचीही मैत्री

अशी बहरली सुंदर

भाव सुंदरशा मैत्रीचा

इथे वसतो निरंतर ||३||

तुझ्या मैत्रीचा सहवास

आहे खूपच अनमोल

जीवनाच्या वाटेवरती

मार्ग दाखवी बहुमोल ||४||

केला काळाने असा घात

साथ क्षणार्धात सुटली

आकस्मिक अशा जाण्याने

वीण नात्याची ही तुटली ||५||

सहवास आठवणींचा 

मज आजही आठवतो 

मैत्रीच्या जुन्या आठवणी

या मनामध्ये साठवतो ||६||