लाइब्रेरी
प्रोफाइल
कविता : बालपणीची शाळा माझी
कविता : बालपणीची शाळा माझी
1 min
188
बालपणीची शाळा माझी
होती सुंदर देखणी फार
पाठीवर किंवा हातात दप्तर
ओझ्याचा नव्हता कसला भार
बालपणीची शाळा माझी
शिक्षक होते रुबाबदार
घाबरत होतो त्यांना आम्ही
शिक्षक दिसता सारे व्हायचे फरार
बालपणीची शाळा माझी
नव्हता आम्हा पुस्तकांचा भार
एकच वही त्यात सारे विषय
मागच्या पुढच्या कागदावर स्वार
बालपणीची शाळा माझी
कौलारू कोठे पत्रांचा आधार
पाऊस होता पत्रांचा आवाज
कोठे टपटपणाऱ्या पाण्याची धार
बालपणीची शाळा माझी
थोर पुरुषांच्या माहितीचे भंडार
माणुसकी थोर कर्तुत्वांचे धडे
रुजले आहेत आजही मनात
बालपणीची शाळा माझी
मैत्रीचा आम्हा मोठा अभिमान
मांडी घालून बसणं फारीवर
नक्षीकाम ही फारीवर होई छान
बालपणीची शाळा माझी
नव्हती छत्री रेनकोटचा भार
मस्त पावसात भिजायचो आम्ही
आजही ते दिवस आठवतात फार
