लाइब्रेरी
प्रोफाइल
जास्वंद
जास्वंद
1 min
238
जास्वंद कसा फुलला
बघा फांदीवर झुलला
भडक लालबुंद रंग
बघताच नजरेत भरला
जास्वंद कसा फुलला
अंगण बागेत बहरला
दिसता फांदीवर फुल
तोडण्यास हात वळला
जास्वंद कसा फुलला
कोमजून खाली पडला
सकाळी टवटवीत सौंदर्य
सायंकाळ निस्तेज ठरला
जास्वंद कसा फुलला
जगण्याचा मर्म दडला
काहीही कायमचे नाही
निसर्गाचा नियम कळला
जास्वंद कसा फुलला
आयुर्वेदिक गुण भरला
मातीशी होण्या एकरूप
जास्वंद बघा तळमळला
©® चैताली वरघट
मूर्तिजापूर, जि अकोला
