करू अखंडित सेवा साहित्याची

मनापासूनच आपण करू

अखंडित सेवा साहित्याची|

वेड असावे वाचन, लिखाणाचे

प्रचंड गोडी असता साहित्याची||१||

चारोळ्या, आठोळ्या, षडाक्षरी,

अष्टाक्षरी, दशपदी, अभंग लिहू|

लेख, निबंध, कथा, कादंबऱ्या,

नाटक, समिक्षा, ग्रंथ वाचून घेऊ||२||

साहित्यातील सर्वच क्षेत्राची

माहितीही करुन घेत ती राहू|

नवनवीन साहित्य प्रयोगाची

उजळणी करु नि लिहून पाहू||३||

साहित्य देते ज्ञान करी मनोरंजन 

मनःस्थितीतही योग्य बदल घडवी|

साहित्यसेवा निखालसपणे करता

मिळे मान, सन्मान, पुरस्कार, पदवी||४||