ಲೈಬ್ರರಿ
ಪ್ರೊಫೈಲ್
कोविडासूर
कोविडासूर
1 min
238
आला कोविड आसूर
घाव घाली घणाघाती
वैद्य उभे दिनराती
देती सोडूनी विश्रांती
केले त्याने गिळंकृत
क्रूरपणे मानवासी
पैसे चिमुकली देई
किती करु कौतुकासी!!
लोक खायला महाग
गृहिणीही होई पुढे
डबे करुनी लोकांना
देई रोज आनंदाने
नसे पर्वा घड्याळाची
जाण मनी कर्तव्याची
साथ परिचारिकेची
सेवाधर्म जाण तिची
मानवता हाच धर्म
पोलिसांना उमगला
अन्नदान करुनिया
धर्म त्यांनी जागविला
लाभे पाठिंबा देवाचा
आला धरतीवरती
श्रद्धा भक्तीची प्रचिती
तेथे कर माझे जुळती
