कोसळणाऱ्या पावसात

तप्त झालेल्या मनाच्या कोपऱ्यात

प्रेमाचा ओलावा जाणवेल..

जेव्हा सुखद पाण्याचे थेंब

आपल्या अंगावर बरसेल...

नको बाळगू तमा जगाची

तुझ्या सोबतीने मलाही भिजू दे..

वेळ निसटून जाण्या अगोदर 

क्षण हे मनमुराद जगून घे...

होतील आज पुन्हा ताज्या

प्रेमाच्या गोष्टी आठवणीतल्या..

आज म्हणू नकोस प्रियकरा

नात्याला दे बहरू आपल्या...

हात धरलास घेऊन तुझ्या मिठीत 

नव्याने शहारे येताच..

भिजून गेलो प्रितीच्या ह्या

चिंब कोसळणाऱ्या पावसात...