लाइब्रेरी
प्रोफाइल
कोरड्या प्रेमसरी
कोरड्या प्रेमसरी
1 min
268
मनास मनाचा कळलेला पाऊस
अलीकडे पडत नाही
कोरड्या प्रेमसरीचं ओझं आता
पेलवत नाही
आभाळाला कोसळता येतं
भरून आलं की
मनालाही हवा असतो खांदा
अश्रूंनी साद दिली की
नयनांना आताशा ती ऊब
जाणवत नाही
जखमा चिघळत जाई नव्याने
सैल होत जाई विणलेले धागे
सांधायचा प्रयत्न किती केला..तरीही
अंतरातले 'अंतर'
आता कुठल्याच सरींन मिटत नाही
मनास मनाचा कळलेला पाऊस
अलीकडे पडत नाही
