बरसात
बरसात
आठवते का टपोऱ्या थेंबांची बरसात
वाट अनोळखी नि हातात हात
नाही नाही म्हणत
पावसात भिजत दिलेली साथ
उमलती सुरुवात कोमल शहाऱ्यांची
अधरांची भाषा अन नजरेची जुगलबंदी
श्वासांची कहाणी श्वासांनीच ऐकलेली
गंधाळल्या भावनांनी दिलेली प्रेमाची कबुली
उठले वादळ मनी, मिठीत शांत झालेले
रीते काळीज हळुवार तुझ्यात विरलेले
भिजल्या क्षणांनी तुझ्या मनात घर केलेले
प्रीत वर्षावात नभ धरती सजलेले
आठवते का टपोऱ्या थेंबांची बरसात
वाट अनोळखी नि हातात हात
माझा तू न तू माझी म्हणत
मिलनाची जन्मोजन्मीची बांधलेली गाठ