लाइब्रेरी
प्रोफाइल
कितीतरी दिवसांत
कितीतरी दिवसांत
1 min
135
कितीतरी दिवसांत
नक्षत्रांच्या गावी आले
शब्द तारका भेटता
लख्ख चांदण्यात न्हाले
शब्द नुपूरांचा कानी
नाद येथे रुणझुणं
लेखणीच्या कंकणांची
ऐकू येई किणकिणं
शब्द उमलूनी येथे
मळा साहित्याचा फुले
नक्षत्राच्या वेलीवरी
काव्य बहरुनी डुले..
शब्द कळस सुंदर
भव्य लालित्य मंदिरा
काव्यदिपे उजळतो
नित नक्षत्र गाभारा
अशी प्रतिभेची खाण
दिव्य नक्षत्र नगरी
गच्च भरताती इथे
गोड शब्दांच्या घागरी
झाले कावरी बावरी
काही मजला कळेना
भासे गगन ठेंगणे
हर्ष पोटात मावेना..
कितीतरी दिवसात
फुल पाखरु जाहले
प्राणप्रिय शब्दांसवे
मन मुग्ध बागडले..
