खरं प्रेम
खरं प्रेम
वेलीवरचं फूलतोडण्या इतकच
सोपं असतं ह्यांना दिल तोडणं |
फुलांचा त्याच वापर करून
जमवू पाहतात हे दिल जोडणं | |१| |
दिल ह्यांचं दिल नसतं तर
हॉटेलिंगच गलेलठ्ठ बिल असतं |
वापरुन पाहिजे तेव्हा असं तिला
चुरगाळून फेकून दिलं नसतं | |२| |
पाडगावकरांच्या भाषेत प्रेम म्हणजे
प्रेम म्हणजे प्रेमच असतं |
एकमेकांच्या सुखासाठीच
एकमेकांनी नकळत झुरायच असतं | | ३| |
एकमेकांसाठी झुरतांना
स्वत:च्या संसारासाठी उरायचं असतं |
दोघांनीही शेवटी आपलं घर
आपणच सावरायचं असतं | |४| |
क्षणभर स्वत:ला सावरुन
क्षणिक वासनांना आवरायचं असतं |
निकोप नितीमान समाजासाठी
हे बलिदान करायचं असतं | |५| |
राजरोस असं प्रेमाचं प्रदर्शन
गावभर मांडायचं नसतं |
जमलंच तर एकमेकांसाठी
गावाशीही भांडायचं असतं | |६ | |
स्वत:साठी जगतांना
समाजहिताचंही रक्षण करायचं असतं |
आपणच आपलं चांदणं होऊन
आकाशभर पसरायचं असतं | |७| |
भावनांशी एखादीच्या खेळून
असं नसतो करायचा टाईमपास |
नाहीतर एखाद्या बिचारीच्या गळ्याला
समाज लावतो फास | |८| |
ह्यांचा म्हणे खूप खेळ छान होतो
त्या बिचारीचा मात्र जीव जातो |
Valentine Day चा सा-यांना
अखेर संदेश चुकीचा जातो | |९ | |
प्रेम हे स्वप्नील असत्य मानून
जीवनात निराश व्हायचं नसतं |
आपल्यानं हे नसेल होणार
तर विनाकारण प्रेम करायचं नसतं | |१० | |
आज व्हेलेंंटाईनडे च्या नावाखाली वासनेचा मांडलेला बाजार बघून खरे प्रेम नक्की काय हे सांगण्याचा कवितेतून प्रयत्न केला आहे.