काळोख

आयुष्यात येत आहे काळोख

चला त्यावर आपण मात करू

सोडूनी देऊ राग, द्वेष, वासना

अन् सत् मार्गाची ही कास धरू

विसरले होतो उपकार केलेले

कर्तव्याची तर जाण न राहिली

कृतघ्न झालेल्या या जीवनात

पेटवू कृतज्ञतेची पणती पहिली

जर सोडला प्रयत्नवाद आपण

या काळोखात कसे दिसणार ?

सातत्याने केलेल्या कष्टाने मात्र

प्रत्येक वाट प्रकाशमय असणार

चला होऊ एक किरण सूर्याचा

अन् काढू काळोख जीवनातील

जागवू सर्व मिळून तो राम आता

आजच्या ह्या लाचार रावणातील