झोपडी

आईसम मायेची ऊब देणारी

वात्सल्याने जवळ करणारी

ती झोपडी बघा वाटते किती छान

प्रत्येक वेळी मला जवळ करणारी

नाही तिथे मोठ्या सुख सोई

तरीही ती आपल्याशी वाटते

पाहून त्या आईबाबाचे प्रेम

या नयनात आज आसवे दाटते

आज्जी आजोबांचे प्रेम निरागस

त्यांच्या गोष्टी जीवना वाट दावते

अंगणातील ते तुळशीचे वृंदावन

आजही माझ्या ह्या मनास भावते

खेड्यातील मित्रांची बात निराळी

बोर चिंचाची आहे मजा वेगळी

सुटले गाव झोपडी अन् सर्व काही

विलीन आठवणीत माणसे सगळी