काल भ्रमण

किती सुखाचे अन किती दु:खाचे

दिवस भरभर निघूनी गेले

कालभ्रमण तू थांबणार नाही

मग वेचू कश्याला क्षण दु:खातले ।।

संकल्पाची नित गुज मनी

ध्येयाचे हे मनकवडे मनी भरे

कोण आपला कोण दुसरा

मनी आणु कश्याला दुजाभावरे ।।

नियम साधुनी धुणी रमवूनी

आत्मविश्वास हा पांघरूनी

काय कमविले काय हरविले

मग शोध कश्याला घेवू अंतरमनी ।।

प्रतिभेच्या या वेलीवरती

राग रंग निखळे उल्हासूनी

त्वरीत पोचण्या घाई नकोशी

मग चढु कश्याला सरसरूनी ।।