काजळी...
काजळी...
काजळी चढली वातीला ,
मंद प्रकाश टिमटिमला ,
वाराही जोरात येते ,
विझवू पाहते वातीला ...
तिची झटपट चालू होती ,
मंद जरी तेवायला ,
कशी झटकावी ही काजळी,
विझवु पाहते अस्तित्वाला ...
वेडा होऊनी पतंगा ,
पिंगा घालतो तिला ,
नको वेडावून जाऊ असा,
मुकशील आपल्या जीवाला...
प्रेमात सुचत नाही काही ,
अर्पण केले जीवाला ,
फळफळून झेप घेता ,
काजळी झाली बाजूला ...
नैराश्य होते दूर सारले ,
वात लागली उजळायला,
दुःखतो जीव त्याच्यासाठी ,
जो आला तिला वाचवायला...
हेच असते प्रेम सख्या,
निस्वार्थ ओंजळीत द्यायला ,
कळे ना का ? अंत असा ,
दुःख असे वाट्याला...