जय महाराष्ट्र माझा
जय महाराष्ट्र माझा
भारतभूच्या मातीतून निपजला
सह्याद्रीचा तेजोमय राजा......
दिल्लीच्या तख्ताला शोभतो
जय महाराष्ट्र माझा........||धृ||
सह्याद्रीचे चिलखत घेऊन
भीमा कृष्णेचे अमृत पिऊन
पोलादी मनगटे जाहली...
अस्मितेच्या लढाया जिंकून
देशाचा जगी मान राखुनी
करतो गाजावाजा........||१||
पाषाणावरच्या जिवंत लेणी
तुझ्या शौर्याची कहाणी.....
चरणावरती नतमस्तक ज्याच्या
समुद्राची ही राणी........
नसानसांत रुधिरामधुनी....
गर्जतो अभिमान तुझा.....||२||
सुवर्णाक्षरांनी लिहिली ...
ज्याच्या इतिहासाची पाने........
जरी वेगळी भाषा अन बोली
तरी समतेचे नांदने......
या भूमीतून जगी गाजला
माझा शिवबा राजा....||३||
कणाकणात रुजली आहे
इथल्या प्रेमळ संस्कृती....
शेतकरी अनं कष्टकऱ्यांच्या
धारांनी भिजलेली माती
किती हुतात्मे जाहले आजवर
तव घडला हा महाराष्ट्र माझा..||४||
या मातीतून जन्म घेऊनी
धन्य जाहलो आपण......
महाराष्ट्राची गौरवगाथा...
करूया मिळून जतन...
एकमुखाने गाऊ सारे..
गर्जा महाराष्ट्र माझा...||५||