जल हेच जीवन

जल हेच जीवन

अन्यथा होई मरण

पेटायला नको रण

पाण्यासाठी....१

  

गोल गोल राणी 

इतु इतु पाणी 

म्हणत होतो गाणी

पाण्यासाठी...२

कुठे वणवण 

कुठे चणचण 

कुठे उधळण

पाण्यासाठी...३

उन्हाचा मार

डोक्यावर भार

सोसतोय फार

पाण्यासाठी...४

चढता जोर

तुटला दोर

संघर्ष घनघोर 

पाण्यासाठी...५

डोळ्यांत सागर

कमरेला घागर

करतो जागर

पाण्यासाठी...६

अनुभवाचे बोल

विहीरी असती खोल

सांभाळावा लागे तोल

पाण्यासाठी...७

खेळू कोरडी होळी

नको कराया आंघोळी

फक्त ठोकून आरोळी

पाण्यासाठी...८