जीवन एक रंगमंच

जीवन एक रंगमंच आहे

चालता बोलता आविष्कार

अनेक मुखवटे धारण करी

आपणच जीवनाचे शिल्पकार

जन्मा येताच लिहीते सटवाई

ललाटरेषा आपल्या भाग्याची 

नाही चालवणार कोणी तुमच्या

 कठीण नौका ही आयुष्याची.

कधी सुख तर कधी दुःख

आठवणीचा जमला संच

वेळोवेळी निभावून भूमिका

कारण हा जीवन एक रंगमंच

सक्षम हवे भूमिका निभवण्यास

जीवनाचा जगण्याचा कस 

अनेक आव्हाने पेलताना

प्राशन करी आंबट,गोड रस

जीवनाचे चित्र रेखाटतो

आपण आहोत चित्रकार

कष्ट करून यश मिळवू

होऊ आपणच शिल्पकार