जाऊ दे गं वेडे

जाऊ दे गं वेडे तुला 

ते नाही कळणार 

कोरड्या डोळ्यात तूझ्या 

अश्रू नाही तरळणार ||0||

अपेक्षाच नाही तुझ्याकडून 

प्रेम समजून घेण्याची 

हतबल झालेल्या जीवाला 

उमेद नवी देण्याची 

द्वेषाची ही भिंत तुझी 

कधी नाही ढळणार 

कोरड्या डोळ्यात तूझ्या 

अश्रू नाही तरळणार ||1||

कपाळमोक्ष केला तरीही 

तुला ड्रामाच वाटणार 

प्रेम तुझ्यासाठी माझ्या 

हृदयात नाही आटणार 

हृदयात तूझ्या माझी कधी 

व्यथा नाही जळणार 

कोरड्या डोळ्यात तूझ्या 

अश्रू नाही तरळणार ||2||

विराजमान केलंय तुला 

हृदयाच्या सिंहासनावर 

तुझाच छाप आहे माझ्या 

हृदयावर मनावर 

तुझंच प्रेम धमन्यांतून 

माझ्या सळसळणार 

कोरड्या डोळ्यात तूझ्या 

अश्रू नाही तरळणार ||3||

तुझं प्रेम मिळावं हा 

अट्टाहास नाही 

कधीतरी संपेल असा 

हा प्रवास नाही 

तुझ्याच प्रेमाने माझं 

मन हळहळणार 

कोरड्या डोळ्यात तूझ्या 

अश्रू नाही तरळणार ||4||

कधी शोध घेऊ नकोस 

प्रेम किती करतो मी 

अंत नाही ज्याचा इतका 

तुझ्यावर मरतो मी 

कितीही दूर गेलो तरी 

तुझ्याकडेच वळणार 

कोरड्या डोळ्यात तूझ्या 

अश्रू नाही तरळणार ||5||