Library
Profile
जादू कुंचल्याची
जादू कुंचल्याची
1 min
208
कल्पनेच्या कुंचल्याने
जग माझे मोहमयी
रम्य चित्र रंगविते
अंतरंगी रंगमयी
रत्नाकर अथांगसा
लाटा वेगे उसळता
क्षितीपार मन जाता
मोद मनी रेखाटता
गोड रमणी सुंदर
वस्त्रे हरित रेशमी
अलंकार विभूषित
सुनयना राजेश्वरी
शुभ्र गिरीशिखरांसी
न्याहाळता कल्पनेने
रम्य कांचनसोहळा
नयनकमलांमधे
फुले मयूर पिसारा
घनमाला नभांतरी
रंगोत्सव सामावते
तृप्त मनी मन्मंदिरी
भाग्यवान परमेशा
कुंचल्याचे दान दिले
सुंदरशा चित्रमयी
दुनियेत रमविले
