इंधन दरवाढ

कधी-किती वाढावे

नाही कुठे बंधन?

पेट्रोल-डिझेल दरवाढीचे

नित्य खिशाला चंदन.

कधीतरी वाढ होणारच

तेवढ्यापुरते आहे ठीक ;

गाडीचे average आता

रुपयाला एक कीक.

पेट्रोल-डिझेलच्या फटक्यांनी

रंगलाय दरवाढीचा खेळ;

'सेंच्युरी 'करता चढा- ओढीने

दोघांचा निर्धारी मेळ.

रुपयांनी वाढून पैशांनी कमी

होणारा इंधनाचा भाव;

तरीही सत्ताधारी आणतात

हो "अच्छे दिन" चा आव.

ही रेकॉर्डब्रेक दरवाढ

म्हणजे पाच वर्षांचा सूड;

व्यवस्थेच्या मनात काय

दडलंय हे गुलदस्त्यातील गूढ.

महागाईच्या या वणव्यात

जनतेच्या रक्ताचा सडा पडलाय;

लोकांनी लोकांसाठी चालवलेल्या

लोकशाहीचा श्वास कोंडलाय.