हृदय - एक शुष्क वाळवंट

माझे हृदय वाळवंट 

एक शुष्क वाटले ,

पाऊसथेंब पडून 

काळे मेघ दाटले .

मी कोणाशीही नाही

कोणतीही गोष्ट बोलत ,

माझ्या मनातील भावना

कोणासमोरही नाही खोलत .

हल्ली हृदयातून माझ्या

अनेक आहेत भावना ,

आनंद आता मिळावा

हीच माझी कामना .

दुःख आले जर 

जीवनात माझ्या ,

मनावर घेत नाही 

करत नाही मी गाजावाजा .

दुःख नाही होत 

मला कधीकधी ,

स्वतःच्या धुंदीत

जगतो मी अधीमधी .

हृदयात भावना माझ्या 

चांगल्या असतात ,

तरीही माणसे मला 

वाईट समजतात .

मन आपले संकटांत

नेहमी आनंदी ठेवा ,

चेहऱ्यावरचे हसणे पाहून

जगास वाटे तुमचा हेवा .

हृदय माझे आहे 

भावनांचा सागर ,

आपुलकीच्या शब्दांनी 

भरून घ्या मनाची घागर .

सत्यात हृदय हे 

असते धडधडत ,

कवी कल्पनेत विचार

करताना धडपडत .

कोणतेच दुःख हृदयाशी

तुम्ही बाळगू नका ,

मनातील वाईट विचार

हृदयाच्या बाहेर टाका .

हृदयात माझ्या

आपुलकी असे ,

वागताना ती 

सर्वांना दिसे .

संकटांत आनंदी राहण्याचा

माझा प्रयत्न असतो ,

पण काहीवेळा मी 

भावनांच्या जाळ्यात फसतो .

चेहऱ्यावर हसू ठेवा 

आराम द्या हृदयाला ,

चांगले विचार करून

आनंदी ठेवा मनाला .

मन आणि हृदय आपले

वाईट गोष्टीपासून ठेवा बाजूला ,

आनंदी राहून जगा आपल्या

सुंदर ह्या आयुष्याला