हो ग खरंय ...

हो ग खरंय हल्ली मी तुला टाळतोय ...

अन तू दिलेले क्षणच अजून कुरवाळतोय

नाही कसा म्हणू मी तू तर सारं काही जाणतेस

मी बोललेलं न बोललेलं , डोळ्यातून पाझरलेलं

हो ग हल्ली खूप एकटं - एकटं वाटतं तेंव्हा ...

आठवणी तुझ्या सोबत करतात, धीर देतात

तू नाहीस म्हणून काय झालं ? स्मृती तर आहेतच की

आठवतात तुझे ते शब्द नि शब्द अगदी जसेच्या तसे

हो ग आठवतं मला ,तू म्हणालीस होतीस जप स्वतःला

तू खूप हळवा आहेस, फार मनाला लावून घेत जावूं नकोस

लहान - सहान गोष्टीतूनही आनंद मिळवता येतो रे ...

असाच असतो जीवन प्रवास हवा - हवासा तर कधी जीवघेणा

हो ग हल्ली मी तुला टाळतोय खरा पण ...

मी तुला विसरू शकतो ना तुझ्या आठवणींना

स्नेहासिकत सानिध्यात घालवलेल्या त्या क्षणांना

हसऱ्या , ओल्याचिंब आठवणींना अन तुझ्या प्रेमाला