हिंदवी स्वराज्य संस्थापक

मराठा सरदार भोसल्यांचा

केली सुनबाई जाधवांची

झाला जन्म थोर शिवबाचा

गाजवी पराक्रम शौर्यांची . /१/

जिजामातेच्या शिकवणीतून 

घडे शिवबाची शौर्यता 

पाहे स्वराज्य स्वप्नातुन 

सत्य करून दाखवे वीरता. /२/

घेऊनी शिक्षण कलेचे 

चालवी तलवार दंडपट्टा 

जिद्द न सोडी शिकण्याचे 

गाजवे मोहिमेचा कट्टा. /३/

इच्छा ऐकुणी जिजाईंची 

ना करेन चाकरी दुसऱ्यांची 

स्थापिन स्वतःचे स्वराज्य 

घेऊन साथ मावळ्यांची. /४/

सुरु झाली कारकीर्द 

बनुनी प्रेरणा जिजाई 

सहकारी सारे मराठा मर्द 

विजय पाहुनी धन्य होई. /५/

शपथ घेतली स्वराज्याची 

बोलूनी गुपित मनातले 

रायरेश्वर मंदिर गुंजले 

वीर दहाडले राज्यातले. /६/

मावळे झाले भक्त शिवबाचे 

वाढवी उत्साह हजारपटीने 

वतनदार दौडवीले देशाचे 

खरे करण्यास स्वप्न वेगाने. /७/

शाही शिक्क्याने पाया रोवला 

स्वराज्य लोकांसाठी स्थापला 

चढुनि झुंजार माची चा तोरणा 

विजयाचा पताका गडावर दुमदुमला. /८/

जोपासुनी स्वराज्य मुल्ये 

वाढवी मराठा वारसा 

दिसे प्रशासकीय कौशल्ये 

छत्रछायेचा हा दिलासा. /९/

मुरुंबदेव बनला राजगड 

पहिली स्वराज्य राजधानी 

जिंकूनी पाठोपाठ बरेच गड 

सांभाळे गरिबांची आणीबाणी. /१०/

फज्जा पाडे अंतर्गत दुश्मनांचे 

करेल घात तर मिळेल मात 

हिंदवी स्वराज्य आहे हक्काचे 

वाढवूया देऊनी एकमेका हात. /११/

धूर्त खानाला धुळीस चारून 

कठीण डाव हाणून पाडे 

वागुनी चातुर्याने केले हरण 

विजयी कारकीर्द पसरे चोहीकडे. /१२/

काबीज करून गड पन्हाळा 

सिद्दी जोहरला मात देऊनी,

शिवा काशीदचा गाजे जिव्हाळा 

निसटून काढला मार्ग वेढ्यातूनी. /१३/

बाजीने लढवली खिंड

वाचवून स्वराज्याचा कर्ता 

घोडखिंड बने पावनखिंड 

उद्ग़ारी समंजस राज्यकर्ता. /१४/

घुसूनी लाल महालात  

काल दाखवी खानास 

उडवुनी बोटे भेटीत  

धमक दाखवी मुघलास. /१५/

लढला मुरारबाजी पुरंदरासाठी 

कठोर निर्णय झाला स्वराज्यतुनी 

करून तह पुरंदरचा 

मान ठेवला महाराजांनी. /१६/

औरंगजेबास शिकवूनी धडा 

सोडूनि आग्रा थोर शिवाजी. 

सुलतान झाला हडबडा 

पाहुनी शुरविराची बाजी. /१७/

तानाजी बळकावी कोंढाणा 

लावूनी लग्न गडाचे मग रायबा 

गड आला पण सिंह गेला 

कळवून बोले थोर शिवबा. /१८/

नटले सिंहासन सोन्याने 

पारणे फिटे डोळ्यांचे 

सप्त नद्यांच्या अभिषेकाने 

पाहुनी राज्याभिषेक सोहळ्याचे./१९/

पुरोगामी समंजस राज्यकर्ता 

मोहिमा आखुनी बळकावी किल्ला 

नौदलाचा जनक, धर्मनिरपेक्ष विघ्नहर्ता 

धडकावे चातुर्याने परकीयांचा हल्ला. /२०/

वाढविली दक्षिणेत शिवसृष्टी 

स्थापूनी अष्ट मंत्र्यांची सरकार 

ठेवूनी प्रजा कल्याण दूरदृष्टी 

आखला व्यवस्थापनेचा कारभार. /२१/

परस्त्रीस मानुनी माता 

रोखी हिंसाचार अन्यायी छळ 

हिरकणीची जाणूनी वीरता

स्त्रीस देई रक्षणाचे बळ./२२/

वसुनी जनाजना च्या हृदयात 

सोडूनी आम्हास गेला 

कधी ही न वीसरे विश्वात 

झेंडा अटकेपार फडकवला. /२३/

आजही देई मानेचा मुजरा 

धन्य ती राजाची जनता. 

जी ने घडविला महान शिवबा 

धन्य धन्य ती वीर माता. /२४/

असा हा हिंदवी संस्थापक 

जिवंत अजूनही मनामनात 

कीर्ती अशीच वाढवू अजरामर 

गाऊनी गुणगौरव शिवजयंतीत./२५/