हे गरुडा घे भरारी....
हे गरुडा घे भरारी....
1 min
1.7K
लोकांच्या तू पाया पडतो
दुर्जनांची भक्ती करतो
भोगासाठी इमान विकतो
का पत्करतो तू लाचारी ....
कामचुकारी नेहमी करतो
बंधनांना तू वैरी मानतो
कारणांची माला रचतो
कसा बनशील तू करारी....
इतरांचे ऐकून जगतो
प्रतिक्षणाला मत बदलतो
कर्तृत्वाचे ध्येय विसरतो
कशी मदत करेल मुरारी....
चेहऱ्यावरील हास्य लपवतो
मनातील दुःख तू दाखवतो
कातडी पांघरून वाघ बनतो
का बनसी रे तू मदारी.....
रक्ताला तू उसळू दे
आळसाला त्यागून दे
पर्वा जगाची सोडून दे
विजयाची तू गुढी उभारी.....
भीतीवरती विजय मिळव
लपलेल्या कर्तुत्वा जागव
क्रांतिकारी इतिहास घडव
वाजव नीर्घोषाची तुतारी....