विझणार ना कधी.....
विझणार ना कधी.....
हरणार ना कधी मी
थांबणार ना कधी
लागली जी आग आता
विझणार ना कधी //
अनंत येतील अडचणी
दुःखही असतील क्षणोक्षणी
संकटाना सामोरे जाऊन मी
थकणार ना कधी //
सागरालाही पार करेल
हिमालयाला चूर्ण करेल
शत्रुच्या सामर्थ्याची चिंता मी
करणार ना कधी //
आयुष्याला आजमावण्यासाठी
स्वताला सिद्ध करण्यासाठी
सज्ज झालेला मी माघारी
फिरणार ना कधी //
स्वप्न बाळगून उराशी
झालोय निश्चयी मनाशी
स्वीकारलेल्या आव्हानांपासून
ढळणार ना कधी //