लाइब्रेरी
प्रोफाइल
हास्य
हास्य
1 min
231
तळपता सूर्य माथ्यावरी
बांधलंय तुला छातीवरी
हसू पसरलं गालावरी
हसते तुझ्या बरोबरी
डोंबाऱ्याचे खेळ करतो
पोटाची खळगी भरतो
डमरुची मजा करतो
बाळ माझा खुशीत हसतो
दारिद्र्य बांधलंय पाठीवरी
उन्हाची झळ डोक्यावरी
खेळतोस माझ्या अंगावरी
हसू खुलतंय चेह-यावरी
क्षणात मी विसरले सारे
हसऱ्या छबीत भान हरे
खेळाची ही दुनिया रे
आवरावी लागते माया रे
वाढवीन तुला कष्टाने
फुलवीन तुला मायेने
हास राजा आनंदाने
मोठा होशील भाग्याने
