Library
Profile
एक तरी कविता आज स्फुरावी
एक तरी कविता आज स्फुरावी
1 min
202
एक तरी कविता आज स्फुरावी
खोल खोल गाभाऱ्यातून
हलके हलके पाझरावी
एकतारी कविता आज स्फुरावी
आत आत दडलेली
कधी काळी तुटलेली
किंवा काही सुटलेली
भावनांची विविधरंगी
नक्षी पानी उमटावी
एकतरी कविता आज स्फुरावी
कोण जाणे केव्हा कसे
होईल मन तुझे रिते?
आठवणींच्या बटव्यातून
डोकावतील सारी गुपिते
अक्षरांच्या धिंगाण्याने
कोरी पाने फुलून यावी
एकतरी कविता आज स्फुरावी
