एक स्त्री जगते आहे

शंभर लढाया एकाच वेळी

 तोंड देत जगते आहे

किती घाव किती वेदना 

तरीही ती उभी आहे॥१॥

नकार कितीदा सोसला 

कितीदा आतून कोलमडली

तरीही नात्यांना सांभाळत 

कितीदा ती असेल रडली॥२॥

विरोध कितीदा पचवले

अपमान किती ते ओढवले 

तरीही पाऊल न अडखळता 

बंध भावनांचे तिने सोडवले॥३॥

आज उभी आहे जरी 

लावून खांद्याला-खांदा 

तरीही सुटले नाही तिचे 

उष्टी ,खरकटी आणि रांधा ॥४॥

तरीही ती बोलते आहे 

हसते आहे गाते आहे 

अभिमान तिच्या या बहुगुणांचा

 एक स्त्री जगते आहे॥५॥