अवकाळी पाऊस
अवकाळी पाऊस
नभ दाटून येतात
ये रे ये रे पावसा
लहान मुले म्हणता
नाचता बागडतात !!
पाऊस सरी बरसल्या
बळीराजा सुखावला
नटली वसुंधरा माता
पिके भारीच डोलतात !!
विज्ञानाची कास धरत
मानव विकास करतो
निसर्गाच्या विरुद्ध जाता
आपत्ती त्या ओढवतात !!
बदलते नैसर्गिक चक्र
येतो अवकाळी पाऊस
सारेच पिके वाहून जाता
कष्ट केलेले वाया जातात !!
भयानक महापूर येतो
कित्येकजण बेघर होतात
विस्कळीत दृश्य बघता
नयनी अश्रू तरळतात !!
पिकांसाठी कर्ज काढून
कठीण परिश्रम करतात
आर्थिक फटका बसता
गळा फास लावतात !!