एक अवीट गोड नातं मायलेक
एक अवीट गोड नातं मायलेक
माय लेकीचे हे नातं
जसं धान्य अन् जातं
नवमास वाढवूनी गर्भात
जन्माला येते नवखंडाची वात
कळीच होते सुंदर फूल
लेक हळूच टाकते लुटू लुटू पाऊल
घरभर पसरते सुख अन् चैतन्याची चाहूल
अशी बनते माय लेकीच्या नात्याची वीणदार डुल
माय शिकविते पुस्तकातील अक्षर
माय शिकवते तव्यावरची भाकर
माय शिकवते वरिष्ठांचा आदर
मायच असते वात्सल्याचा पदर
माय लेकीच नातं असतं गूढ मैत्रीचं
लेकीसाठी माय देवापुढं वरदान मागते सुखाचं
जगातील सर्वात गोड नातं मायलेकीच्या जोडीच
माय बापाला भाग्य लाभते लेकीच्या कन्यादानाच !