एक असीम तारा

क्षितिजापलीकडून उगवला

एक असीम तारा

स्वातंत्र्यासाठी झगडला

एक झंझावाती वारा

बंड पुकारले दलितांसाठी

नाव बाबासाहेब आंबेडकर

या महाराष्ट्राच्या नेत्यासम

नाही कोणता वीर धुरंधर

मोकळे केले मंदिरे,चवदार तळे

श्वास केला मोकळा

शिक्षणाच्या ज्ञानगंगेत

न्हाऊन काढले सकळां

गरीबी आणि भुकेची जाणीव

नेहमीच होत राहिली

झटून दुसऱ्यांसाठी मात्र

केली जीवाची काहिली

संविधान अमलात आणले

न्यायासाठी झगडले

हाती धरून लेखणीची तलवार

दुष्मनांचे काळीज चिरून काढले